Kitab ən yaxşı dostdur, deyirlər.
Kitab insan təfəkkürünü canlandıran, şəxsləri formalaşdıran, cavabsız sualları cavablandıran bir möcüzədir. Gündəlik həyatımız bir parçası olan kitablar haqqında özəl detalları bilirsinizmi?
Musavat.com sizə kitablar haqqında olduqca maraqlı faktları təqdim edir.
Dünyadakı ən kiçik kitab 1mm x 1mm ölçüsündədir.
Bu kitab Old King Cole kitabxanasında saxlanılır. Kitabı vərəqləmək üçün iynə lazımdır. Ölçülərinə görə də dünyanın birinci balaca kitabıdır.
Dünyanın məşhur kitab oğrusu bu günə kimi 23 min kitab oğurlayıb.
Stiven Blumberq adlı kitab oğrusu tam 268 kitabxanadan 23 min kitab oğurlayıb. Oğurladığı kitablar da sıradan minlərlə nəşri olan kitablar deyil. Oğurlanan bu kitablar arasında nadir kitablarda var. Bu şəxs oğurladığı kitablarla kolleksiya yaradıb və dəyəri 20 milyon dollara yaxındır.
Tarixin ilk yemək kitabı Hammurabi dövründə yazılıb
Dünyanın ən qədim kitablarından biri olaraq bilinən əsər Hammurabi dönəmində, yəni miladdan əvvəl 1700-cü ildə hazırlanıb. Babil daşlarının üzərinə həkk edilən yemək tərifləri insanlıq tarixinin ilk yemək kitabı olaraq bilinir.
Dünyanın ən uzun cümləsi Huqonun “Səfillər” adlı kitabındadır.
İndiki zamana qədər yazılan ən uzun cümlə dünyanın tanınmış yazarı Viktor Huqonun kitabındadır. Cümlə tam 823 sözdən ibarətdir və yazarın “Səfillər” adlı kitabında yazılıb.
Ağac oyma texnikası ilə qurulan mətbəə
Mətbəə ilk olaraq Çində icad edilib. Ağacları oyaraq hərflər hazırlanan bir sistem qurulmuşdu. Miladdan sonra 593-cü ildə qurulan bu mətbəə dünyanın ilk mətbəəsi sayılır.
Dünyanın çap edilən ilk qəzeti
Qəzet də ilk olaraq Çində çap edilib. Miladdan sonra 700-cü ildə ilk dəfə nəşr edilib. Və tarixin ilk qəzeti sayılır.
Kitab qoxusu
Kitab qoxusundan bir çox insanın xoşu gəlir. Buna ədəbiyyatda bibliosmia deyilir. Qoxunu sevmənizə səbəb səhifələrdəki komponentlərinin təbii qoxusudur. Kitabların hazırlanmasında istifadə edilən maddələr, sellüloza və digərləri kitabseverləri xoşbəxt edirmiş.
Hər il çap edilən 1.2 milyon kitab
Dünyada hər il 1.2 milyon kitab çap edilir və bunun cəmi 2 faizi beş yüz min titajdan artıq nəşr olunanlardır.
Roman yazmaq ortalama 475 saat vaxt aparır
Təbii ki, Qabriel Qarsia Markes kimi 15 il fikirləşib bir il yarıma yazılan romandan bəhs etmirik. Sadəcə ortalama sadə bir romanın yazılması 475 saat vaxt alır.
Osmanlı dövrünün ilk qəzeti
Osmanlı dövründə nəşr olunan ilk qəzet “Takvim-i Vekayi “ hazırda da Türkiyənin rəsmi qəzetlərindəndir. Onu da qeyd edək ki, bu qəzet vaxtı ilə ərəb, erməni, fransız və yunan dilində də nəşr edilib.
Tarixin ilk kitabxanası
Bilinən ilk kitabxana miladdan əvvəl 2600-cü ilə aiddir. Qədim Şumerlər tərəfindən hazırlanıb.
Zəncirli kitablar
Keçmişdə bəzi kitabları zəncirlə bağlayırmışlar. Əks təqdirdə kitablar oğurlanırdı. O zamanlarda bir kitabı ərsəyə gətirmək çətin idi. Buna görə də nadir kitabları kitabxanada zəncirlə bağlayırlarmış.
Dünyanın ən böyük atlası
Dünyanın ilk və böyük atlası 1.75 sm hündürlüyündə, 1.95 enindədir. Bu atlası ən azı 6 nəfər yerindən qaldıra bilər.
1660-cı ildə İngiltərə kralı olmuş İkinci Çarlesə hədiyyə olaraq hazırlanan bu kitab 37 səhifədən ibarətdir.
Kitabqurdu
Kitabqurdu həqiqətən mövcud olan böcəklərdir. Yalnız kitabların arasında yaşayırlar. Və kitabla qidalanırlar. Xüsusilə istifadə olunmayan kitablarda daha çox rast gəlinir.
Dünyanın ən bahalı kitabı
Dünyanın ən bahalı kitabı Leonardo Da Vincinin “Codex Leicester” adlı kitabıdır. Bu kitab dünyanın ən varlı insanlarından biri olan Bill Qeyts tərəfindən alınıb. Bill Qeyts bu kitaba nə az – nə çox 31 milyon dollar ödəyib.
İnsan dərisindən hazırlanan kitab
Harvard üniversitetində üz qabığı insan dərisindən hazırlanan 3 kitab var. Bu kitablardan biri Romalılara aid şeir kitabı, digəri fransızlara aid fəlsəfi bir kitabdır. Üçüncü isə tarixi 1600-cü ilə söykənən hüquq kitabıdır. Bu üç kitab universitetin kitabxanasının özəl bölümündə saxlanılır.