İlqar Məmmədov sözünü tutdu: başını keçəl qırxdırdı

Bir vaxtlar Azərbaycanın qılıncoynatma komandasının lideri, hazırda idmanın bu növündə Rusiyanın yığma komandasının baş məşqçisi olan İlqar Məmmədov verdiyi sözə əməl edərək, başını keçəl qırxdırıb.

Virtualaz.org xəbər verir ki, İ.Məmmədov Rusiya komandası Olimpiya Oyunlarında qılıncoynatmada ilk qızıl medalını qazanandan dərhal sonra daha bir “qızıl” alacağı təqdirdə başını keçəl qırxdıracağını bildirmişdi.

Dünən rusiyalı qılıncoynadanlar birdən-birə iki qızıl medal qazanaraq, Rioda Olimpiya qələbələrinin sayını üçə çıxarıblar. İlqar Məmmədov isə sözünə əməl edib.