Xalq artisti Faiq Sücəddinov mərhum İlhamə Quliyeva ilə bağlı fikirlərini bölüşüb.
Azinforum.az-ın məlumatına görə, bəstəkar “5/5” verilişində onun dünyasını dəyişəcəyini bildiyini deyib:
“Hər bir insanın həyatdan getməyi kədərdi. İlhamə xanım həmişə kiməsə “toylar kralı, şahzadə” titulları verirdi. Amma özünə doğrudan da gözəl ad qoymuşdu: Primadonna. İllər keçəcək, İlhamə, İlhamə Quliyeva, sənətkar, primadonna deyəcəklər. Amma unutmayaq ki, onun sənəti, özünəməxsus səsi var idi. Hər zaman fikirlərini mənlə bölüşürdü. O, bilirdi ki, ayaqüstə durmayacaq. Mən onun bu halını 1 ay bundan əvvəl bilirdim. Böyrəyində problem var idi. Mənlə danışanda dedi ki, mahnı gətir tez yazaq. Deyirdi, mütləq oxuyacam”.