“Həccdə özümü Şeyxin bacısı kimi hiss edirdim” – Gülər Əhmədova

Sabiq deputat Gülər Əhmədova ötən ilin sentyabr ayında Həcc ziyarətində olub.

O, unikal.org-a bildirib ki, ziyarətə onu Qafqaz Müsəlmanları İdarəsinin sədri, şeyxülislam Allahşükür Paşazadə göndərib:

“Həccdə özümü Şeyx həzrətlərinin bacısı kimi hiss edirdim. Bir dəqiqə məni diqqətsiz qoymadılar. Bu ziyarəti təşkilatçilarına, axundlarımıza, qrup rəhbərlərinin hamısına bir daha dərin minnətdarlıq hissi bildirirəm. Allahın işinə baxın ki, millət vəkili olduğum dövrdə hər il Həccə zəvvarlar göndərirdim. Ötən il isə Həcc ziyarətinə məni şeyx göndərdi və bu Müqəddəs ziyarəti mənə hədiyyə etdi.”