Şənbə , Dekabr 5 2020
Ana səhifə / Şou Biznes / Gömrük rəisi ilə bağlı məlumat təsdiqlənmədi

Gömrük rəisi ilə bağlı məlumat təsdiqlənmədi

Azərbaycan-Gürcüstan sərhədindəki Sadaxlı Gömrük Postunun rəisi Mehmandar Həsənovun DTX tərəfindən saxlanılması haqda məlumat təsdiqini tapmayıb. 

“AzPolitika”nın əməkdaşı bu gün musavat.com-a istinadla əksər saytlarda tirajlanmış bu məlumatın nə dərəcədə həqiqətə uyğun olduğunu aydınlaşdırmaq üçün M.Həsənova yaxın mənbə ilə əlaqə saxlayıb. Mənbə məlumatın heç bir əsasının olmadığını, M.Həsənova qarşı hər hansı əməliyyat keçirilmədiyini və onun saxlanılmadığını bildirib: “Məlumatın heç bir əsası yoxdur. M.Həsənovla bir qədər əvvəl danışmışam. Biz təəccüb edirik ki, DTX kimi nüfuzlu, ciddi bir qurumun adını da hallandırmaqla, belə bir əsassız məlumatı necə yayıblar. Görünür kiminsə sifarişi, qaralama kampaniyasıdır”.

Qeyd edək ki, M.Həsənov YAP-ın Siyasi Şurasının üzvü Məlahət İbrahimqızının (Həsənova) qardaşıdır.

Həmçinin oxuyun

“İşğaldan azad olunan torpaqlara ilk ayaq basanda “Qarabağ şikəstəsi”-ni ifa edəcəm”

Bu günkü musiqili qonağı tanınmış ifaçı Şəbnəm Tovuzludur. İfaçı bizimlə söhbətində Qarabağla bağlı arzularından və …

Bir cavab yazın