General oğlu ilə “sevgili olan” Röya DANIŞDI: “Telman hələ 9 yaşında olarkən…”

Moderator.az xəbər verir ki, İfaçının mətbuat katibi Türkan Məmmədli Publika.az-a verdiyi açıqlamasında xəbəri təkzib edib. Onun sözlərinə görə, adıçəkilən general oğlu Telmanla ifaçı arasında illərə söykənən dostluq münasibəti var: “Telman hələ 9 yaşında olarkən Röya xanım onu tanıyırdı. O, Əməkdar artistin uşaqlıqdan pərəstişkarları sırasındadır. Telman müğənninin bütün komandası ilə yaxından dostdur və demək olar ki, hər gün bizim yanımızdadır”.

Əməkdar artistin də məsələyə münasibəti çox gecikməyib. Estrada ulduzu şəxsi İnstaqram hesabında xəbəri paylaşıb və “Çox güldüm” şərhini əlavə edib.

Türkan Məmmədli bu məsələyə də toxunub: “Röya xanım ona görə gülür ki, Telmanla arasında 12 yaş fərq var. İfaçı onun elçilik mərasimində belə iştirak edib və onlar ailəlikcə dostdular. Yəni, xəbər kökündən yalandır. Onların münasibətinin nə yerdə olduğunu bilən hər kəs sevgili iddiasına məhz gülümsəyir. Hörmətli media nümayəndələrinə və Röyasevərlərə səslənirik ki, əsassız xəbərlərə inanmasınlar”.

Məlumat üçün bildirək ki, bu gün Qafqazinfo.az saytında Azərbaycanın Əməkdar artisti Röya Ayxan yeni sevgi münasibətinə başlaması haqqında xəbər yayılıb. Bildirilib ki, Röya Azərbaycanın tanınmış generallarından biri, Milli Qəhrəman, Şəmkir Korpusunun sabiq, hazırda isə Bakı korpusunun komandiri Rövşən Əkbərovun oğlu Telman Əkbərovla görüşür.

İddia edilib ki, cütlük tez-tez məclislərə birgə qatılsa da, jurnalistlər onları bir neçə gün əvvəl premyerası keçirilən “Ağ tük” filminin qala gecəsində görüblər. Sevgililər tədbirə bir gəlsələr də, media nümayəndlərindən ehtiyat edərək dostları ilə ayrı-ayrı foto çəkdiriblər.