Gəncədə 54 imkansız tələbə təhsil haqqından azad olunub

Gəncə şəhərində 54 ali məktəb tələbəsi təhsil haqqından azad olunub.

Gəncə Şəhər İcra Hakimiyyətindən APA-ya verilən məlumata görə, bununla bağlı qərar şəhər icra başçısı Elmar Vəliyev tərəfindən qəbul olunub.

Şəhərdə fəaliyyət göstərən müxtəlif ali təhsil müəssisələrində təhsil alan, valideynlərindən birini və ya hər ikisini itirən, maddi vəziyyəti yaxşı olmayan 54 tələbə təhsil haqqından azad olunub. Onların təhsil haqqı şəhər icra hakimiyyəti tərəfindən ödəniləcək.