“Cibimdəki pulları yoxlayırlar…” – Aparıcılardan gileyləndi

“Çox gəzən çox bilər deyiblər. Dünyagörüşü, təhsil bizim həyatımızın mahiyyətidir. Konkret gileylənmək istəmirəm. Amma bəzi verilişlərin aparıcılarının səviyyələri məni qane eləmir”. 

“Qafqazinfo” xəbər verir ki, bu sözləri uzun müddətdir ki, efirlərdən uzaq olan İlqar Xəyal deyib.  “Show time” verilişinə qonaq olan müğənni indiki aparıcılardan gileylənib:

“Hər dəfə verilişə gələndə bir problemlə üzləşirəm. Bir dəfə adımı, bir dəfə soyadımı düz demirlər. Kimləsə səhv salırlar, fəaliyyətimi düzgün qeyd etmirlər. Cibimdə, pul kisəmdə olan pulları yoxlayırlar. Şəxsi həyata müdaxilə edəcək suallar verirlər. Bir sözlə ağlamağa, ağlatmağa çalışırlar. Buna görə də efirlərə getmirəm. Nə müsahibə, nə də efirlərə çıxmıram”.