Cümə axşamı , Yanvar 28 2021
Ana səhifə / Şou Biznes / Cahangir Əsgərovu ağır günlər gözləyir…

Cahangir Əsgərovu ağır günlər gözləyir…

AZAL rəhbəri Cahangir Əsgərovun hava məkanındakı inhisarına tədricən son qoyulur.

Bunu “Atlas” Araşdırmalar Mərkəzinin rəhbəri Elxan Şahinoğlu bildirib.

Onun sözlərinə görə, artıq Macarıstanın “Wizzair” və Türkiyənin “Pegasus” şirkətlərinə Azərbaycanın qapılarının, daha doğrusu, hava məkanının açılması elə bunun ilk işartılarıdır.

“Wizzair” şirkətinin baş direktoru Yojef Varadi bu gün Bakıda keçirdiyi brifinqdə deyib ki, “AZALjet” “Wizzair” kimi il ərzində qiymətləri stabil saxlaya bilməyəcək:

“Ola bilsin ki, onlar da mövsümi kampaniyalar keçirsin. Amma il ərzində eyni qiymətlə uçuşlar təşkil edə bilməyəcəklər. Bizim hər bir sərnişinə çəkdiyimiz xərclər AZAL-ın çəkdiyi xərclərin dörddə biri qədərdir”.

Ekspertin fikrincə, sanki “Wizzair” şirkətinin baş direktoru bununla Cahangir Əsgərova mesaj göndərir ki, Sən vaxtilə rəqabətdən qorxaraq bizi bazardan çıxardın, ancaq yenidən bizi bu bazara Azərbaycan prezidenti özü dəvət etdi, indi bacarırsansa bizimlə rəqabət apar. “Cahangir Əsgərovu ağır günlər gözləyir. Bunlar inhisara öyrəşiblər, qiyməti artırıb, vətəndaşları ancaq onlardan bilet almağa məcbur edirdilər. Bu “iqtisadi siyasət” üçün böyük ağıl sahibi olmaq lazım deyil”, – deyə o vurğulayıb.

Həmçinin oxuyun

“Camaatın cibində pul var ki, toy edə?” – Niyam Salami

Müğənni Niyam Salami “Hər səhər Mətanətlə” proqramında qonaq olub.Müğənni həmkarlarının toyla bağlı narahatçılıqlarına etiraz edib:“İndi …

Bir cavab yazın