Cümə axşamı , Avqust 22 2019
Ana səhifə / Şou Biznes / BDU-nun səs yazısı yayılan dekan müavini aqibəti nəcə oldu?

BDU-nun səs yazısı yayılan dekan müavini aqibəti nəcə oldu?

Bakı Dövlət Universitetinin Jurnalistika fakültəsinin qalmaqallı dekan müavini haqda xəbər yayılıb. Bu günlərdə tələbələri təhdid edən səsi yazısı ilə gündəmə gəlmiş Aytəkin Zeynalovanın işdən azad edildiyi və BDU-da keçirilən toplantılarda görünmədiyi bildirilib.

Politika.Az-ın əməkdaşı xəbəri dəqiqləşdirmək üçün BDU-nun mətbuat katibi Pərvanə İbrahimova ilə əlaqə saxlayıb. Ali məktəbin sözçüsü bildirib ki, A.Zeynalova işini davam etdirir və onunla bağlı heç bir qərar verilməyib.

P.İbrahimova deyib ki, 20 gün əvvəl məsələ barədə rəsmi açıqlama yayılıb və ondan sonra dekan müavini ilə bağlı yenilik yoxdur.

Yada salq ki,dekan müavini mesajlarında tələbələri universitet və dekanlıq haqqında tənqidi status yazmamaqla bağlı xəbərdarlıq edib. Bildirib ki, xəbərdarlığa baxmayan tələbələr cəzalandırılacaq:

“Sizə tapşırıram, axırıncı dəfə sizə deyirəm, belə tipli, Könül xanım haqqında, Cahangir müəllim haqqında, mənim haqqında, ümumiyyətlə tutorlar, dekanlıq haqqında biriniz bir kəlmə artıq-əskik, lağa qoyulacaq şəkildə sosial şəbəkədə bir cümlə yazın…

Şəxsən mən nizam intizam qaydalarını pozduqlarına görə, dekanlığın, mətbəxin məlumatını çölə çıxardıqlarına görə, onlara töhmət verdirtdirəcəm. Bax deyirəm sizə, axırıncı dəfə deyirəm”.

Xatırladaq ki,  Aytəkin Zeynalova səsli mesajında bildirib ki, tələbələrdən birinə dişinin dibindən çıxanı deyib. O bildirib ki, Leyla adlı tələbənin yazdığı statusa görə dünən onun təzyiqi qalxıb: “Utanmazlar, ayıb olsun sizə!”

“Qeyri-obyektivliklə o boyda universitetin mətbuat xidmətinin rəhbərini məzəyə qoyublar, Cahangir müəllimi məzəyə qoyublar.

Utanmırlar Könül xanımı məzəyə qoyublar ki, guya qeyri-obyektiv yoxlayıblar. İndi də bu Fuad özündən alim olub, deyir dekanlıq hara baxırdı. Yox dekanlıq oturub səni güdəsiydi, sən imtahanda nə edirsən”.

Aytəkin Zeynalova tələbələrə xəbərdarlıq edib ki, bir nəfər dekanlıq, hətta tutorlar haqqında facebook-da tənqidi fikirlər paylaşdıqda onlarla bağlı ciddi tədbir götürüləcək.

Həmçinin oxuyun

Manafın qızı ikinci həyat yoldaşından da ayrıldı – VİDEO

Manaf Ağayevin qızı Səmayə ikinci həyat yoldaşı Taleh Hüseynovdan da ayrılıb.Müğənninin kürəkəni bu gün keçmiş …

Bir cavab yazın