Bazar ertəsi , Yanvar 18 2021
Ana səhifə / Şou Biznes / “Bank of Azerbaijan”nın Mərkəzi Banka qarşı iddiası təmin olunmadı

“Bank of Azerbaijan”nın Mərkəzi Banka qarşı iddiası təmin olunmadı

Bakı Apellyasiya Məhkəməsində lisenziyası ləğv edilmiş “Bank of Azerbaijan” Açıq Səhmdar Cəmiyyətinin Azərbaycan Mərkəzi Bankına (AMB) qarşı apellyasiya şikayəti üzrə məhkəmə başa çatıb.

“Report”un məlumatına görə, hakim Həmid Həmidovun sədrliyi ilə keçirilən prosesdə qərar elan olunub.

Qərara əsasən, “Bank of Azerbaijan” ASC-nin apellyasiya şikayəti qeyri-mümkün hesab edilib.

Qeyd edək ki, Mərkəzi Bank “Bank of Azerbaijan” ASC-ni məhkəməyə verib. AMB ASC-nin iflas prosedurunun başlanması barədə tələb irəli sürüb. 1 saylı Bakı İnzibati-İqtisadi Məhkəməsi ərizəni təmin edib. Qərardan narazı qalan “Bank of Azerbaijan” ASC-nin səhmdarlarının nümayəndəsi apellyasiya şikayəti verib.

Qeyd edək ki, bu ilin yanvar ayında AMB-nin İdarə Heyətinin qərarı ilə məcmu kapitalın minimum məbləği tələbinə əməl etmədiyinə, məcmu kapitalının adekvatlıq əmsalının 3%-dən az olduğuna, kreditorları qarşısında öhdəliklərini icra edə bilmədiyinə, cari fəaliyyətini etibarlı və prudensial qaydada idarə etmədiyinə görə “Bank of Azerbaijan” ASC-nin bank lisenziyası ləğv edilib. “Banklar haqqında” qanuna uyğun olaraq banka müvəqqəti inzibatçı təyin edilib.

Həmçinin oxuyun

“Kim həyatını necə yaşayır, mənə dəxli yoxdur” – Nura Suri

“Səhv axtarmaq, tənqid etmək adəti bizim millətdə hardan yaranıb? Elə bir vəziyyət yaranıb ki, kimsə …

Bir cavab yazın