Cümə , Avqust 14 2020
Ana səhifə / Şou Biznes / Azərbaycanlı idmançı ilə döyüşdə təxribata əl atan erməni yarışdan qovulub

Azərbaycanlı idmançı ilə döyüşdə təxribata əl atan erməni yarışdan qovulub

Vartan Asatryan rinqdə qondarma “DQR”nın bayrağını nümayiş etdirib

“Fight Nigts Global” şirkəti Azərbaycan təmsilçisi Elnar İbrahimovla döyüşdən sonra təxribata yol verən erməni döyüşçü Vartan Asatryanla müqaviləni pozub.

“Report”un qurumun saytına istinadən verdiyi məlumata görə, bununla bağlı Asatryana rəsmi bildiriş göndərilib.

Onun qovulmasına səbəb kimi geyimində siyasi məzmunlu simvoldan istifadə etməklə etik normaların pozulması göstərilib. Şirkət bildirir ki, döyüşçülərin müqavilələrində bu məsələyə dair bəndlər var:

“Anlaşmada həmin bəndlərə mütləq əməl olunması tələbi əksini tapıb”.

Qeyd edək ki, Krasnodarda yaşayan Vartan Asatryan Elnar İbrahimovla döyüşə üzərində Rusiya və Ermənistanla yanaşı, qondarma Dağlıq Qarabağ Respublikasının bayraqlarının əks olunduğu şortiklə çıxıb. Həmin şortikdə həm də qondarma erməni soyqırımından bəhs edən təsvir olub. Asatryan İbrahimovu məğlub etdikdən sonra isə rinqdə qondarma qurumun bayrağını nümayiş etdirib.

Həmçinin oxuyun

Karantində istirahətə gedənlərə “utanmaz“ dedi – Özü də dincəlməyə getdi – FOTO

Müğənni İzzət Bağırov ailəsi ilə istirahətə yollanıb.Bölgələrdən birində dincələn sənətçi fotolarını İnstaqram izləyiciləri ilə bölüşüb.Şəkildə …

Bir cavab yazın