Azinforum.az İnformasiya Portalı Onlayn Xəbər Portalı
Şəkidə kreditini ödəmədiyinə görə bir nəfər həbs edilib.
Rayonun Qoxmuq kənd sakini Şəlalə Abdurrəhimova iddia edir ki, onun qardaşı işləyir və götürdüyü krediti ödəyir. Lakin son vaxtlar ödəməni gecikdirdiyinə görə polis tərəfindən saxlanılıb.
Belə ki, 38 yaşlı Böyük Dəhnə kənd sakini Zahir Səmədovun hazırda rayonda bir banka 3717,45 ABŞ dolları borcu var. Krediti ümumiyyətlə ödəmədiyinə görə həmin bank məhkəməyə müraciət edib.
Şəki şəhər icra şöbəsindən dəfələrlə müraciət edilməsinə baxmayaraq Zahir Səmədov məhkəmə qərarını icra etməyib.
Zahir Səmədov 24 may 2016 cı il tarixli bildirişə məhəl qoymadığı, borcunun heç bir hissəsini ödəmədiyi üçün Şəki rayon Məhkəməsinin qərarına əsasən 10 günlük həbs edilib.
Rayon polis şöbəsinin rəis müavini Vüqar Xəlilov bildirir ki, belə hallarda məhkəmə qərarını icra etmədiyi üçün yalnız məhkəmənin çıxardıgı qərar ilə polis şöbəsində saxlanma ola bilər. Problemli kreditə görə polis heç kimi saxlamır.
