Cümə , Sentyabr 24 2021
Ana səhifə / Şou Biznes / “Avroviziya” qalibinin narkotestinin nəticələri açıqlandı

“Avroviziya” qalibinin narkotestinin nəticələri açıqlandı

“Avroviziya” mahnı yarışmasında qalib gəlmiş “Maneskin” qrupunun vokalçısı David Damianonun orqanizmində narkotik maddələrin izləri aşkar olunmayıb.

Bu barədə Avropa Yayım İttifaqı məlumat paylaşıb.

Bununla da, ifaçı ona qarşı irəli sürülən bütün iddiaların əsassız olduğunu sübut edib.

Qeyd edək ki, yarışma zamanı “yaşıl otaqda”dan yayılan videogörüntülər şayiələrə səbəb olub. Görüntülərdə Damianonun masa üzərinə əyildiyi və müəmmalı hərəkətlər etdiyi əks olunub. Bəziləri ifaçının kokain qəbul etdiyi iddiasını irəli sürüblər. O özü isə masadakı şüşə stəkanın qırıldığını və şüşə qırıntıları üfürərək təmizləmək istədiyini, heç vaxt kokain qəbul etmədiyini, ittihamlardan şoka düşdüyünü bildirib.

Avropa Yayım İttifaqı da otaqda şüşə qırıntılarının aşkar olunduğunu təsdiqləyib və ifaçının şayiələrə son qoymaq üçün könüllü test etdirəcəyini bəyan edib.

Həmçinin oxuyun

Maqsud hansı müğənniləri şantaj edib? – “Deyirdilər ki, qızım var, istəmirəm bu videonu görsün“

“Mən sosial şəbəkə hesabımda Maqsud Mahmudovun səs yazısını paylaşmışdım”. Bunu prodüser, teleaparıcı Tarix Əliyev (Tolik) …