Cümə axşamı , Aprel 25 2024
Ana səhifə / Şou Biznes / Arzusu dünyada məşhur olmaq idi… – Çayda batan Adilxanın FOTOLARI

Arzusu dünyada məşhur olmaq idi… – Çayda batan Adilxanın FOTOLARI

Ötən gün Katex çayının Balakən rayonundan keçən hissəsində batan 1993-cü il təvəllüdlü Nuriyev Adilxan Nəzirxan oğlunun cəsədi bu gün səhər saatlarında tapılıb. 

24 yaşlı Adilxan fotoqraf işləyirmiş. O, fəaliyyəti dayandırılan “Aygün” televiziyasının rəhbəri Nəzirxan Nuruyevin oğludur.

Adilxan evin tək oğul övladı olub. Onun ikinci kursda təhsil alan bacısı bir neçə il əvvəl ağır xəstəlikdən dünyasını dəyişib.

“Onun ən böyük arzusu dünyada tanınmış fotoqraf olmaq idi. Öz işini sevirdi. Adilxan Bakıdan olan bir nəfərin fotolarını çəkmək üçün həmin şəlaləyə gedib. Şəlalənin yanında onun fotolarını çəkib. Birdən ayağı sürüşüb və hündür təpədən şəlalənin dibinə yıxılıb. Saatlarla aparılan axtarışlardan sonra onun meyiti bu gün səhər saatlarında tapılıb. Həmin şəlalə bir neçə dəfə ölümə səbəb olub” – Adilxanın yaxınları deyib.

Dostları arasında Adil kimi tanınan Adilxan evil olub. Onun bir neçə ay əvvəl oğul övladı dünyaya gəlib.

“Adil ata olduğunu eşidəndə çox sevinmişdi. Rayonda hamı onun ailəsinə hörmət bəsləyir. Çox tərbiyyəli oğlan idi. Bu hadisə hamımızı dəhşətə gətirib. Ailəsi onun ölümünə inana bilmir”.






























AzVision.az

Həmçinin oxuyun

“Həyatımda iki insan var ki, onları heç zaman bağışlamayacağam”

“Allah bağışlayandır. Elə məqamlar olur ki, bağışlamaq olmur. Həyatımda iki insan var ki, onları heç …

Bir cavab yazın