Ana səhifə / Şou Biznes / ANAMA agentliyinin əməkdaşları oğurluqda ittiham olunur?

ANAMA agentliyinin əməkdaşları oğurluqda ittiham olunur?

Bugünlərdə Şirvan rayon ərazisində “Camaloğlu LTD” şirkətinə məxsus, dövlət nişan nömrələri Gəncə seriyasından olan üç ədəd “Qazel” markalı yük maşınları Şirvan RPŞ-nin əməkdaşları tərəfindən saxlanılıb. Mənbənin sözlərinə görə, “Camaloğlu” şirkətinin yük maşınlarının sürücüləri Şirvan RPŞ-də dindirilərək etiraf ediblər ki, maşınlarda olan yük “Camaloğlu” şirkətinin rəhbəri Məmmədov Bayram Camal oğluna məxsusdur və mallar Gəncə şəhərinə aparılaraq “Camaloğlu” şirkətinin Farfor zavodunun həyətində yerləşən sexindəki sobalarda əridilməliydi.

Legion.az-a daxil olan məlumata görə, həmin yük “Qazel”lərində külli miqdarda döyüş silahlarına aid patron aşkarlanıb. Mənbənin Legion.az-a verdiyi məlumata görə, həmin patronlar “Camaloğlu LTD”yə cəbhəboyu ərazilərin minadan təmizlənməsi ilə məşğul olan ANAMA agentliyinin işçiləri tərəfindən oğurlanaraq satılıb. Mənbənin məlumatına görə, şirkət rəhbəri Bayram Məmmədov Şirvan RPŞ-nin əməkdaşları tərəfindən axtarılır. “O, hazırda polislərdən qaçıb Daşkəsəndə Xaşbulaq adlanan yerdə gizlənir”, – deyə mənbə qeyd edir. Məlumata görə, faktla bağlı Şirvan RPŞ-in istintaq bölməsində CM-nin 177-ci maddəsi üzrə (oğurluq) cinayət işi qaldırılıb. Hazırda məlumat dəqiqləşdirilir və araşdırmamız davam edir.

Həmçinin oxuyun

“Məni 3 manatlıq şorbaya görə iftara dəvət etməyin”

“Məni 3 manatlıq şorbaya görə iftara dəvət etməyin”Müğənni Kərim Abasov onu iftar süfrəsinə dəvət edən …

Bir cavab yazın