Çərşənbə axşamı , Sentyabr 17 2019
Ana səhifə / Şou Biznes / Xatirə İslam fəxri ad alanlara etiraz etdi: “Yəqin yaxşı dostlarımız yoxdur…”

Xatirə İslam fəxri ad alanlara etiraz etdi: “Yəqin yaxşı dostlarımız yoxdur…”

“Son vaxtlar ad alanların 90 faizini tanımıram, yəqin yaxşı dostlarımız yoxdur, günah özümüzdədir”. 
Minval.info xəbər verir ki, dünən müğənni Nadir Qafarzadə fəxri ad ala bilmədiyi üçün sosial şəbəkə hesabında video paylaşaraq buna ciddi narazılığını bildirib. Həmkarı Xatirə İslam isə onun bu postunun rəy bölməsinə ürək sözlərini yazıb:
“Əzizlərim, 18 ildir dayanmadan oxuyuram. Ön cəbhəyə qədər gedib çıxmışam, düz xəritənin o biri ucuna… Bütün dövlət tədbirlərinin hamısında təmannasız oxumuşam. Yəni mən yəqin ki, insanlar tərəfindən tələb olunmuşam ona görə də, aparıblar. Son vaxtlar ad alanların 90 faizini tanımıram, yəqin yaxşı dostlarımız yoxdur, günah özümüzdədir. Seçkilərdə müğənnilərə ayrılan pula heç vaxt barmağımı vurmamışam. Çoxları qonorarsız getməyib və bu gün ən hörmətli olanları da onlardır. Allah hamısının canını sağ eləsin. İnşallah, vaxt gələr həqiqi istedadlar da öz layiqli yerlərini tutar. Qaqa, yəqin qarışıqlıq olub, yaddan çıxmışıq”.
Qeyd edək ki, ən azından Əməkdar artist adını qazanmaq istəyən Xatirə İslamın yazısını redaktə etmək xeyli vaxtımızı aldı. Belə iddialı sənətçi heç olmasa nöqtələrin yerini, sözlərin düzgün yazılışını bilməlidir. Vergülləri yenə bağışlamaq olar…
Xatırladaq ki, Nadir Qafarzadənin videosu yayıldıqdan sonra müğənni bu paylaşımını silib. Avtomatik olaraq Xatirə İslamın yazdığı rəy də onunla birgə silinib.

Həmçinin oxuyun

“Həkim dedi ki, balanın 5 ay ömrü qalıb” – Zöhrə Abdullayeva uzun zaman sonra efirdə

Ötən il yeganə övladı olan oğlunu itirən Əməkdar artist Zöhrə Abdullayeva uzun zaman sonra efirə …