AGP qeyri-hökumət təşkilatı olub, Avropada 1987-ci ildən başlayaraq fəaliyyət göstərir. Fəaliyyəti əsasən gənclərin ictimai sferada, Avropa siyasətində aktivliyini artırmağa yönəlmiş təşkilat il ərzində 40.000-ə (qırx min) yaxın gənci müxtəlif tədbirlər vasitəsilə birləşdirir və Avropa Birliyi tərəfindən dəstəklənir.
AGP Azərbaycanda öz rəsmi fəaliyyətinə 2012-ci ildən başlayıb və bu müddət ərzində keçirdiyi tədbirlər vasitəsilə 500-dən çox savadlı, intellektual gənci öz fəaliyyətinə cəlb edə bilib. AGP tamamilə qeyri-siyasi təşkilat olub Azərbaycan dövləti tərəfindən dəstəklənir. Buna misal kimi təşkilatımızın “ASAN Könüllülər” təşkilatı ilə bağladığı memorandumu, 2012-2016cı illər ərzində keçirdiyi tədbirlər zamanı müxtəlif universitetlərdən (BDU, Xəzər Universiteti, ADA universiteti və s.) və icra hakimiyyəti orqanlarından (Təhsil Nazirliyi, Xarici İşlər Nazirliyi, Gəncə Şəhər İcra Hakimiyyəti, Şəmkir Rayon İcra Hakimiyyəti) aldığı dəstəyi göstərmək olar. Xüsusilə 2016-cı ildə Şəmkir rayonunda keçirilən “Shamkir International Forum” gənclər və idman naziri Azad Rəhimov, Şəmkir rayon icra başçısı Alimpaşa Məmmədov tərəfindən birbaşa olaraq nəzarətə götürülüb və dəstəklənib. Tədbirləri ingilis dilində keçirilməklə əsasən hədəf kimi universitet tələbələri müəyyənləşdirilib. Daha ətraflı məlumatı (səhifəsindən əldə etmək olar.
“AGP Azərbaycan” aprel ayının son həftəsi üçüncü Regional Sessiyasını Azərbaycanın gözəl rayonlarından birində keçirməyi planlaşdırıb. Seçilmiş yerli və xarici tələbələrin namizəd olduğu sessiya 3 gün davam edəcək və ümumilikdə 150-ə qədər gəncin iştirakı ilə həyata keçəcək. Sessiyanın baş təşkilatçıları “AGP Azərbaycan”ın aktiv üzvlərindən Rafael Hacıbəyli, Nigar İbrahimova və Ruslan Əliyevdir. Sessiyanın prezidenti Polşadan dəvət olunmuş Joanna Stachera-dır. Konfrans Avropa Birliyi və Azərbaycanda ətraf mühitlə bağlı problemlərə mövcud həll yolları tapmaqda yardım etmək məqsədi daşıyır. Yəni bizim təşkilatın təşkil etdiyi sessiyaların formatına uyğun olaraq, gənclər tədbir boyunca “Ekologiya”, “Ətraf mühitin qorunması” kimi mövzuları müzakirə edəcək, mövzu ətrafında problemlər və həlli yolları tapacaq, sonda isə uğurlu olduğu təqdirdə təklif etdikləri qətnamə Baş Assambleyada qəbul olunacaq.
“AGP Azərbaycan”ın 3-cü Regional Sessiyasında iştirak etmək istəyən: ingilis dili biliyinə malik 9-11 sinif şagirdləri, 1-4 kurs tələbələri, həmçinin 25 yaşını keçməmiş gənclər facebook səhifəsində paylaşılmış müraciət formasını son müraciət tarixinə qədər doldurmalıdır.
Ana səhifə / Şou Biznes / “AGP Azərbaycan” üçüncü regional sessiyasını gözəl rayonlarımızdan birində keçirəcək
Həmçinin oxuyun
Tolik: “Əli Mirəliyev dedi ki, Qubad İbadoğlunun müxalifətçi olduğunu bilmir”
Müğənni Əli Mirəliyevin MTV-də yayımlanan “Toylar kralı” verilişində ev dustaqlığına buraxılan Qubad İbadoğlu ilə bağlı …