Adana sakini Fətullahı televizorda görüb atəş açdı

Türkiyənin Adana vilayətinin sakini 15 iyul hərbi çevriliş cəhdinin başında dayandığı bildirilən və ölkənin “1 nömrəli terrorçusu” statusunu alan Fətullah Gülənə vinçester tipli ov tüfəngi ilə atəş açıb.

Virtualaz.org xəbər verir ki, açılan atəş nəticəsində həmin vətəndaşın evindəki televizor darmadağın olub. Çünki Adana sakini evindəki televizorun ekranında Fətullah Gülənin təsvirini görüb və ləngimədən ov tüfəngi ilə ona atəş açıb. Sosial şəbəkələrdə həmin vətəndaşın Fətullah Gülənin görüntüsünə atəş açarkən çəkilən fotosu da yer alıb. Bu fotolar sosial şəbəkələrdə sürətlə yayılıb.