Bazar ertəsi , Sentyabr 23 2019
Ana səhifə / Şou Biznes / 700 bal toplamış abituriyent növbəti imtahana da gedəcəkmi?

700 bal toplamış abituriyent növbəti imtahana da gedəcəkmi?

IV ixtisas qrupu üzrə ali məktəblərə keçirilmiş ilk qəbul imtahanında 700 bal toplayan abituriyentlərdən biri də 287 nömrəli “Zəkalar” liseyinin 11-ci sinif şagirdi Nemət Yusifovdur.

Virtualaz.org-un əməkdaşı rekordçu yeniyetmə ilə görüşərək, onunla söhbət edib.

– İmtahana necə hazırlaşırdınız?

– Xüsusi sistemim yox idi. Vaxtımdan səmərəli istifadə edərək hazırlaşırdım.

– Bəs əslində neçə bal gözləyirdiniz? 700 bal toplayacağınıza inanırdınızmı?

– Təbii ki, yüksək nəticə əldə edəcəyimə inanırdım, lakin 700 haqqında heç düşünməmişdim.

– May ayının sonunda keçiriləcək sınağa, yəqin ki, bilet almısınız. İştirak etməyi düşünürsünüz?

– Məncə, sınaqlara bu baldan sonra ehtiyac yoxdur.

– Bəs iyul ayında keçiriləcək ikinci imtahana gedəcəksiniz?

– İnsanda şans bir dəfə olur, nəticəmi korlamamaq üçün getməyəcəyəm.

– Sizcə, qəbul imtahanına hazırlaşmaq üçün yalnız məktəbdə qazanılan biliklər kifayət edir?

– Mümkünsüz heç nə yoxdur, amma repetitorsuz çox çətin olardı.

– Hansı ixtisasa yiyələnmək istəyirsiniz və nə üçün?

– Həkimlik, çünki bu işi bacaracağıma inanıram.

– Gələcəyin həkimi kimi, ölkənin səhiyyə sistemində hansı dəyişikliyi etmək istərdiniz?

– Yəqin ki, həkimlərin insanlara yanaşma tərzini dəyişərdim.

Həmçinin oxuyun

Qəfil ölümü ilə yadda qalan – Tanınmışlar

Ölümə bəzilərimiz adi, bəzilərimiz isə qorxulu hadisə kimi yanaşsaq da, bəzən taleyin qismətindən qaçmaq olmur. …

Bir cavab yazın