Şənbə , Yanvar 29 2022
Ana səhifə / Şou Biznes / “18 ildir ki, kirayədə yaşayıram“

“18 ildir ki, kirayədə yaşayıram“

“Bu gün həm yeni il, həm də mənim doğum günümdür. Yeni ildə hər bir kəsə xoş günlər, xoş dəqiqələr arzulayıram. Nə arzularınız varsa hamısı həyata keçsin! Doğum günüm yeni ilə təsadüf etdiyi üçün uşaq vaxtı çox sevinirdim, amma indi yox (gülür). Mən heç vaxt hamını, ətrafımı, dostlarımı bir yerə yığıb doğum günümü qeyd edə bilmirəm. Çünki hər kəs öz evində olur. Belə də ki, sərf etmir, mal-mala qarışır (gülür). Ad günü hədiyyəsi də, yeni il də. Gün ərzində dostlarımla, ailəmlə, uşaqlarımla dincəlirəm, sona yaxın isə ata və anamın yanına gedirəm. Biz sənət adamı olduğumuza görə həm də səhnədə oluruq. Bu gün yox, amma sabah Şuşa Dövlət Musiqili Dram Teatrında yeni tamaşasında oynayacağam”

Bunu Moderator.az-a açıqlamasında tanınmış aktrisa Mətanət Eres bildirib. O daha sonra ən böyük arzusunu dilə gətirib.

“Dünən gecə saat 12-ni keçəndən telefonum susmur. İstər sosial şəbəkələrdə yazıb məni təbrik edirlər, istərsə də telefonuma zəng vururlar. Sağ olsunlar! Mən hər zaman zarafatca deyirəm ki, ulduz aktrisayam (gülür). Hamı məni təbrik edəndə  yazır ki, “ulduz aktrisa” (gülür). Yeni ildə özümə yox, daha çox oğlum Hüseynə can sağlığı, möcüzə istəyirəm. Onun xəstəliyi keçib getsə inanın yenidən doğularam. 18 ildir ki, kirayədə yaşayıram, özümə həm də ev arzulayıram. 29 illik sənət fəaliyyətim var, istərdim bu əməyim də dövlət tərəfindən qiymətləndirilsin” deyə aktrisa bildirib.

Həmçinin oxuyun

Bayram Nurlu koronavirusa yoluxdu

Sosial şəbəkə fenomeni Bayram Nurlu koronavirusa yoluxub.  Belə ki,  Bayram Nurlu özünü yaxşı hiss etdiyini …