Zəlimxan Yaqubun yerinə sədr seçildi

Azərbaycan Aşıqlar Birliyi İdarə Heyətinin iclası keçirilib.

“ Azinforum.az ” “Report”a istinadən xəbər verir ki, mətbuat nümayəndələrinin buraxılmadığı iclasda təşkilata yeni sədr seçilib. Qərara əsasən, Azərbaycan Aşıqlar Birliyinə Məhərrəm Qasımlı sədrlik edəcək.

Xatırladaq ki, Azərbaycan Aşıqlar Birliyinin sədri, mərhum xalq şairi Zəlimxan Yaqub olub. Zəlimxan Yaqub 2008-ci il avqust ayının 29-da Azərbaycan Aşıqlarının V Qurultayında Azərbaycan Aşıqlar Birliyinin sədri seçilib. O, 2016-cı il yanvarın 9-da dünyasını dəyişib.