Çərşənbə axşamı , Yanvar 26 2021
Ana səhifə / Sosial / Yeni gətiriləcək avtobuslar bu istiqamətlərdə fəaliyyət göstərəcək – VİDEO

Yeni gətiriləcək avtobuslar bu istiqamətlərdə fəaliyyət göstərəcək – VİDEO

Bakıətrafı kənd və qəsəbə sakinlərinin problemlərindən biri də istismar müddəti bitən, köhnə avtobuslardan istifadə etmələridir. Artıq onların bu problemi yanvarın 1-dən etibarən mərhələli şəkildə həll ediləcək. Bakı Nəqliyyat Agentliyi bu məqsədlə 355 ədəd müasir avtobus sifariş edib. Onlar 2021-ci ildə Bakıya gətiriləcək, kənd və qəsəbələrdə xidmətə başlayacaq.

Bakıətrafı kənd və qəsəbələrə işləyən bütün köhnə avtobuslar yeniləri ilə əvəzlənəcək. Bakı Nəqliyyat Agentliyinin şöbə müdiri Mais Ağayev deyir ki, ölkə başçısının göstərişinə əsasən 2021-ci ilin yanvar ayından etibarən bakıətrafı kənd və qəsəbələrə işləyən, istismara yararsız avtobuslar yeniləri ilə əvəzlənəcək. Bu məqsədlə gələn il bakıya daha 355 ədəd avtobus gətiriləcək ki, onların da 205 ədədi 9 metrlik olacaq. Həmin avtobusların kənd və qəsəbə küçələrində hərəkəti olduqca rahat olacaq. Burada əsas məqsəd sərnişinlərin rahatlığını təmin etməkdir.

İctimai nəqliyyatdakı yenilik bununla da bitməyəcək. 2022-ci ildən etibarən isə bakıda diesellə işləyən avtobuslarla sərnişin daşınmasına qadağa qoyulacaq. Ekologiyanın qorunması məqsədi ilə bakıda yalnız sıxılmış qazla və elektrik mühərrikli avtobuslar sərnişinlərə xidmət edəcək

Kənd və qəsəbə avtobuslarının yenilənəcəyi xəbəri sərnişinlərin üzünü güldürür. Çünkü onların ən böyük problemi istismar müddəti bitən avtobuslarla işə gedib-gəlməkləridir

Agentlikdən həmçinin bildirildi ki, artıq xeyli müddətdir ki, sahibkarlar qarşısında köhnə avtobusların yenilənməsi tələbi qoyulub. Ancaq əksər sahibkar bu tələbə məhəl qoymayır. Buna görə də, yeni gətirilən avtobuslar ilk olaraq bu cür sahibkarların müvəqqəti istismarında olan xətlərə buraxılacaq.

Həmçinin oxuyun

DSMF sədri: “6500-dən artıq saxta əlillik işi ləğv edilib”

“Dövlət Sosial Müdafiə Fondu tərəfindən bütün istiqamətlərdə sağlamlaşdırma işləri həyata keçirilir. Əsassız pensiyaların ləğv olunması, …