Çərşənbə axşamı , Oktyabr 16 2018
Ana səhifə / Sosial / Yasamalda böyük söküntü başladı – Video

Yasamalda böyük söküntü başladı – Video

Paytaxtın Yasamal rayonunda 75 evin söküntüsünə başlanılıb. Buna səbəb ərazidə 4 zolaqdan ibarət, müasir tələblərə cavab verən yolun çəkilməsidir.

Yeni yol Şərifzadə küçəsi ilə Bakı xarici dairəvi yolu birləşdirəcək. İşlər Azərbaycan Avtomobil Yolları Dövlət Agentliyi tərəfindən icra edilir.

“ Azinforum.az ” ın “Xezerxeber.az”a istinadən məlumatına görə, artıq plana düşən evlərin sakinlərinə kompensasiya verilib. Mənzillərin sahibləri evlərdən çıxarılıb və söküntüyə başlanılıb. Yeni yol Yasamal bazarının yaxınlığından, yəni “ASAN xidmət”in kənarı ilə çəkilir.

Ümumi uzunluğu 1310 metr olacaq yolun hər iki tərəfində piyadaların rahat hərəkəti üçün səkilər salınacaq, müasir işıqlandırma sistemləri qurulacaq.

Azərbaycan Avtomobil Yolları Dövlət Agentliyindən verilən məlumata görə, yeni yolun inşası yaxın aylarda yekunlaşdırılacaq və vətəndaşların istifadəsinə veriləcək.

Mövzu ilə bağlı daha ətraflı videomaterialı təqdim edirik:

 

Həmçinin oxuyun

Qalmaqallı video-görüntü inanılmaz faktları üzə çıxardı – Ölüsoyanların izi ilə

Bakının Sabunçu rayonunun polisləri qəbirləri soyan şəxsləri saxlayıblar. Bu barədə Sputnik Azərbaycan-a Sabunçu Rayon Polis İdarəsinin …