Bazar ertəsi , May 27 2019
Ana səhifə / Sosial / YAP-ın dəstəklədiyi namizədlərin – Siyahısı

YAP-ın dəstəklədiyi namizədlərin – Siyahısı

Hakim Yeni Azərbaycan Partiyasının (YAP) Azərbaycanda noyabrın 1-də keçiriləcək parlament seçkilərində namizədlərini irəli sürmədiyi seçki dairələrində dəstəkləyəcəyi şəxslərin adları məlum olub.

“ Azinforum.az ” Trend-ə istinadən xəbər verir ki, qarşıdan gələn parlament seçkilərində hakim partiya namizədlərini irəli sürmədiyi 7 seçki dairəsində digər siyasi partiyalardan Xanhüseyn Kazımlının (Sosial Rifah Partiyasının sədri), Fəzail Ağamalının (Ana Vətən Partiyasının sədri), Qüdrət Həsənquliyevin (Bütöv Azərbaycan Xalq Cəbhəsi Partiyasının sədri), bitərəflərdən isə Azərbaycanın xalq artisti Zeynəb Xanlarovanın, Respublika Ağsaqqallar Şurasının sədri Fəttah Heydərovun, Azərbaycan Həmkarlar İttifaqları Konfederasiyasının (AHİK) sədri Səttar Mehbalıyevin və Zahid Orucun namizədliklərini dəstəkləyəcək.

Bununla bağlı hələlik YAP-dan rəsmi məlumat almaq mümkün olmayıb.

Qeyd edək ki, YAP qarşıdan gələn parlament seçkilərində 125 dairədən 117-si üzrə namizədlərini irəli sürdüyünü açıqlayıb. Xankəndi seçki dairəsi üzrə YAP-ın partiya təşkilatı olmadığına görə, nə namizəd irəli sürülməyib, nə də hansısa kənar namizədin dəstəklənəcəyi barədə hələlik qərar qəbul edilməyib.

Həmçinin oxuyun

Bakıda tıxacda qalan taksi sürücüsü qaydaları belə pozdu (VİDEO)

Bakı şəhər Səbail rayonu Mikayıl Useynov küçəsində demək olar ki, hər gün tıxac müşahidə edilir.Yolun …

Bir cavab yazın