Xınalıq yolunda bir neçə maşın qar uçqunu altında qaldı (FOTO)

Quba-Xınalıq yolunda qar uçqunu səbəbindən yol bağlanıb.

“Report”un Şimal bürosunun məlumatına görə, uçqun yolun 32-ci kilometrliyinin 4 hissəsində baş verib.
Nəticədə bir neçə avtomobil qar uçqunu altında qalıb. Həmçinin 7 kəndlə əlaqə kəsilib.
Qarı təmizləməyə gedən texnikanın xarab olması səbəbindən yolu açmaq hələ ki, mümkün olmayıb. Hazırda bu istiqamətdə işlər davam etdirilir.