Türkmənistan prezidenti Azərbaycana səfərə gəlir

Türkmənistan prezidenti Qurbanqulu Berdıməhəmmədov avqustun 8-i Azərbaycana səfər edəcək. Türkmənistanın dövlət informasiya agentliyi xəbər verir ki, səfər iki gün davam edəcək.

Səfərin təşkili ilə bağlı məsələlər Türkmənistanın Nazirlər Kabinetinin iclasında müzakirə olunub.

Q.Berdıməhəmmədovun Bakıya səfəri çərçivəsində bir neçə ikitərəfli rəsmi sənədin imzalanması nəzərə tutulub.

2007-2017-ci illər ərzində Azərbaycan və Türkmənistan arasında yüksək səviyyədə dörd qarşılıqlı rəsmi səfər baş tutub. Tərəflər arasında normativ-hüquqi baza 52 ikitərəfli sənəddən ibarətdir.