Cümə , Avqust 23 2019
Ana səhifə / Sosial / Türkiyənin Azərbaycandakı səfiri ən böyük hədəflərdən birini açıqladı

Türkiyənin Azərbaycandakı səfiri ən böyük hədəflərdən birini açıqladı

Azərbaycan və Türkiyə arasında ticarət dövriyyəsinin həcmini 15 milyard ABŞ dolları səviyyəsinə çatdırmaq ən böyük hədəflərdən biridir.

Bunu Trend-ə eksklüziv müsahibəsində Türkiyənin Azərbaycana yeni təyin edilmiş səfiri Erkan Özoral deyib.

Səfir bildirib ki, Türkiyə ilə Azərbaycan arasında çox dərin qardaşlıq əlaqələri var: “Biz bu əlaqələri Azərbaycan müstəqillik əldə etdikdən bəri son 25 ildə hər keçən gün daha da möhkəmləndirdik. Diplomatlar olaraq, bizim üzərimizə düşən vəzifə bu sıx əlaqələri, ən yüksək rəsmi səviyyələrdə qurulmuş bu münasibətləri hər zaman daha da inkişaf etdirməkdir”.

Diplomat vurğulayıb ki, Türkiyə ilə Azərbaycan 25 il ərzində Bakı-Tbilisi-Ərzurum qaz boru kəməri, Bakı-Tbilisi-Ceyhan neft boru kəməri kimi çox böyük layihələri birlikdə həyata keçirdi: “Bundan sonra hədəfimizdə Bakı-Tbilisi-Qars və TANAP kimi layihələrin reallaşdırılması dayanır. Bu işləri ən qısa vaxtda tamamlayaraq, bu layihələri istismara vermək bizim qarşımızda duran ən böyük tapşırıqlardan biridir. Eyni zamanda ikitərəfli ticarət dövriyyəsini artırmaq, bu həcmi 2023-cü ildə 15 milyard dollar səviyyəsinə çatdırmaq qarşımızdakı ən böyük hədəflərdəndir. Təbii ki, yeni vəzifədəki fəaliyyət dönəmimdə bütün bunların gerçəkləşməsinə çalışacağam”.

E.Özoral həmçinin düşünür ki, Azərbaycan və Türkiyə arasında mədəni və humanitar əlaqələri daha da inkişaf etdirmək lazımdır: “Hər bir türkiyəli və azərbaycanlı bir-birini qardaş kimi, ən yaxın adamı kimi qəbul edir. Biz bu əlaqələri, bu səmimi hissləri mədəni fəaliyyətlərlə daha da yaxınlaşdırmaq, daha da inkişaf etdirmək istəyirik”.

Həmçinin oxuyun

Beş uşağın da olduğu ailə məzarlıqda yaşayır: Ölən adamın yorğan-döşəyində yatırıq – VİDEO

Nərgiz Xələfova iki qızı və beş azyaşlı nəvəsi ilə doqquz ildir Lökbatan qəsəbəsində yerləşən şəhər …

Bir cavab yazın