Trampın şirkəti Bakının ardınca Batumidəki layihəsinə də xitam verib

“APA-Economics” “Bloomberg” agentliyinə istinadən xəbər verir ki, bu barədə “Trump Organization” və Gürcüstanın investisiya şirkəti olan “Silk Road Group”un birgə bəyanatında deyilir.

Bundan öncə ABŞ-ın yeni seçilmiş prezidenti Donald Trampın opponentləri dəfələrlə bəyan ediblər ki, xarici ölkələrdə biznes maraqları ölkə başçısının xarici siyasətinə təsir edəcək. “Bloomberg” isə qeyd edir ki, Gürcüstandakı biznes layihəsinə xitam verməklə D. Tramp bütün iddialara cavab verib.

“Bloomberg” onu da xatırladır ki, ötən ay “Trump Organization” Azərbaycan və Braziliyadakı layihələrinin icrasına xitam verib.