Çərşənbə axşamı , Mart 19 2024
Ana səhifə / Sosial / “Topçu Vüsal”ın adıyla pul qazanmaq istəyənin kimliyi bəlli oldu

“Topçu Vüsal”ın adıyla pul qazanmaq istəyənin kimliyi bəlli oldu

İkinci Qarabağ savaşında qəhrəmanlıqları ilə seçilən döyüşçülərimizə xalq arasında xüsusi rəğbətin yaranması və onların cəmiyyətdə populyarlaşması bəzi iş adamlarının bir az da varlanmaq istəyini artırıb.

Bu günlərdə sosial şəbəkələrdə və mətbuatda Vətən savaşının qəhrəmanlıq simvollarından biri, cəsur topçumuz Vüsal Şahkərimovun şəkli vurulan “Topçu” arağının fotoları yayılıb.

Bu addımın cəmiyyətdə böyük etiraza səbəb olması arağın  istehsalı ilə məşğul olan “Azgranata” MMC-nin sonradan öz məhsulunu mağazalardan gerı çağırması ilə nəticələndi.

Şirkət adıçəkilən addımını Vüsal Şahkərimovun atasının razılığı ilə atdığını desə də cəmiyyətin buna reaksiyası dəyişmədi.

Bu arada Gununsesi.info topçumuzun adı ilə pul qazanmaq istəyən iş adamının kimliyini öyrənib.

Məlum olub ki, “Azgranata” Şirkətinin  İdarə Heyətinin sədri Vəkillər Kollegiyasının üzvü Şaiq Mirzəyevdir.

“Mirzəyev və partnyorları” Vəkil Bürosunun rəhbəri olan Şaiq Mirzəyev Vəkillər Kollegiyasının sədri Anar Bağırovun yaxın adamlarından biri kimi tanınır.

“Topçu Vüsal”ın adıyla pul qazanmaq istəyənin kimliyi bəlli oldu 

Həmçinin oxuyun

Qanunsuz evlər hansı halda sökülə bilər?

Quba rayonunun Digah kəndi ərazisində fiziki şəxsə məxsus, kənd təsərrüfatı təyinatlı torpaq sahəsində tikilən tikili …