Çərşənbə axşamı , Yanvar 26 2021
Ana səhifə / Sosial / Telefonunuza gələn bu mesajları dərhal silin — XƏBƏRDARLIQ

Telefonunuza gələn bu mesajları dərhal silin — XƏBƏRDARLIQ

Telefona gələn bəzi SMS ismarıclar dərhal silinməlidir.

“Praym”ın yazdığına görə, bu barədə “Sinerqiya” Universitetinin IT institutunun direktoru Stanislav Kosarev bildirib.

Bu xəbərdarlıq ilk növbədə bank əməliyyatlarının təsdiqlənməsi üçün göndərilən parolların, şifrələrin olduğu mesajlara aiddir.

Bundan başqa şəxsi kabinetə daxil olmaq üçün linkləri olan SMS-lər də silinsə yaxşı olar.

“Onlar birdəfəlik istifadə üçün olsalar da, fırıldaqçılar istifadə edə bilərlər”, – deyə ekspert bildirib.

S.Kosarev həmçinin telefondakı hansı SMS-lərin saytlardan parolları özündə ehtiva etdiyini xatırlamağı məsləhət görüb.

“Hər ehtimala qarşı onlar “səbətə” göndərilməlidir”, – deyə o əlavə edib.

Ekspert bildirib ki, mesajları təmizləməkdən başqa telefondakı məlumatların parol ilə qorunmasına diqqət yetirilməlidir.

“Bu barmaq izi, Face ID və ya rəqəmsal parol yolu ilə edilə bilər. Əsas odur ki, parolda 1, 2, 3, 4, 5 rəqəmləri olmasın. Bundan əlavə, telefon göz qabağında olsa belə kilidlənməlidir”, – deyə S.Kosarev sözlərini yekunlaşdırıb.(konkret.az)

Həmçinin oxuyun

Geri qayıtmayan məcburi köçkünlərin evləri əllərindən alınacaq? – AÇIQLAMA

Qarabağ işğaldan azad olunandan sonra məcburi köçkünlərin öz doğma yurd-yuvalarına nə vaxt qayıdacağı ən çox …