Çərşənbə , Oktyabr 21 2020
Ana səhifə / Sosial / Təhlükəli hava ilə bağlı sürücü və sərnişinlərə xəbərdarlıq

Təhlükəli hava ilə bağlı sürücü və sərnişinlərə xəbərdarlıq

Məlum olduğu kimi, Ekologiya və Təbii Sərvətlər Nazirliyinin Milli Hidrometeorologiya Departamenti yanvarın 16-dan 17-nə keçən gecədən başlayaraq yanvarın 18-i gündüzədək ölkə ərazisində hava şəraitinin kəskin dəyişəcəyi ilə bağlı xəbərdarlıq edib.

Havanın yağıntılı olacağı, sulu qar, qar yağacağı, bəzi yerlərdə intensiv və güclü olacağı, yolların buz bağlama ehtimalı var. 

Bununla əlaqədar Bakı Nəqliyyat Agentliyi sürücülərə hərəkətdə olarkən yollarda müəyyən edilən sürət həddinə və yol nişanlarının tələblərinə riayət etməyi tövsiyə edib. 

“Sərnişinlərdən dayanacaq pavilyonlarında avtobus gözləyərkən diqqətli olmalarını xahiş edirik. Həmçinin, Nəqliyyat Mübadilə Mərkəzlərinin ərazisində və digər yerlərdə yolun hərəkət hissələrinə çıxmamağı, yalnız müəyyən edilmiş dayanacaq məntəqələrində avtobuslara minib-düşməyi, yolun qarşı tərəfinə keçərkən müəyyən olunan piyada keçidlərindən istifadə etmələrini tövsiyə edirik”, – deyə BNA-nın yaydığı məlumatda qeyd edilib. 

Həmçinin oxuyun

Azərbaycanda üçəmlərin sayı artıb

Azərbaycanda əkiz və üçəm körpələrin dünyaya gəlməsi halları artıb. Azərbaycanda ötən il ərzində doğulan əkizlərin …