Ana səhifə / Sosial / “Sobsan” boya bir dəfə yandı, narazılıq isə… – Hələ də davam edir…

“Sobsan” boya bir dəfə yandı, narazılıq isə… – Hələ də davam edir…

2020-ci il iyulun 5-də “Sobsan” boya fabrikində baş verən güclü yanğın zamanı zərərçəkənlər hələ də onlara çatacaq kompensasiyanı ala bilmirlər.
Belə zərərəçəkənlərdən biri də Zəngilan Rayonundan olan məcburi köçkün Alməmmədov Məhyəddin Alməmməd oğludur.
1993-cü ildə doğma yurdundan didərgin düşən Alməmmədovlar ailəsi Binəqədi rayonu, 7-ci mkr, 3126-cı məhəllədə məskunlaşıblar.
Yanğın baş verəndə Alməmmədovlar ailəsinə məxsus 2 ev olub, birində ata, o birində isə oğlu olub. Həmin yanğın baş verən zaman yanan evin ölçüləri 12 x 5 = 60 kv.m olub.
Məhyəddin Alməmmədov deyir: “Kürəkənim hərbçi olduğu üçün o qızımla Mingəçevirdə yaşayır. Qızıma məxsus cehiz də həmin yanan evdə idi.
Oğlumun həyat yoldaşının, yəni gəlinimin də cehizi yanan evdə olub. Bir sözlə, yanğın nəticəsində mənim, oğlumun və kürəkənimizin ailəsi ziyan çəkib. Və ailəmizə böyük maddi ziyan dəyib.
FHN-nin rəsmi sənədində qeyd olunur ki, yanğın zamanı Alməmmədovlar ailəsinə aşağıdakı ziyan dəyib:
Evdə olan 51 əşya üçün – 14.081 manat
Tikiliyə dəyən zərər – 5.600 manat
Həyətdəki 14 ağac – 3.540 manat
Cəmi – 23.221 manat
Zərərçəkən Məhyəddin Alməmmədov deyir ki, həyətimdəki yetişdirdiyim ağacların sayı, 14 deyil, 23 idi.
Evimdə yanan əşyaların sayı, qızımın və gəlinimin cehizi və digər əşyalar siyahıda yoxdur. Ona görə də 51 əşya və 14 min 81 manat hesabı ilə qəti razı deyiləm. Yanan evdə yataq və mebel dəstləri və digər əşyalar olub.
Sonra yanan evin guya yarımtikili olması və dəyən zərərin 5 min 600 manat olmasını da zərəçəkən qəbul etmir. Ümumiyyətlə, zərərçəkən Alməmmədov yarımtikili ifadəsini qəbul etmir. Və bildirir ki, 12 x 5 = 60 kv.m sahəsi olan qurulu ev necə yarımtikili ola bilər ?
Zərərçəkən iddia edir ki, ona dəyən ümumi ziyan təxminən 100 min manatdır.
FHN-nin rəsmi sənədində isə qeyd edilir ki:
““Rəmzi-S” MMC-yə məxsus “Sobsan “ boya fabrikində baş vermiş yanğın hadisəsi nəticəsində 14 milyon 243 min 126 manat 49 qəpik ziyan dəymişdir. Dəymiş maddi ziyan SOBSAN üçün əhəmiyyət kəsb etmir. Odur ki, fabrikin hadisə ilə əlaqədar şikayəti və iddiası yoxdur ”.
Təsəvvür edirsiniz, 12 milyon manat SOBSAN boya üçün əhəmiyyət kəsb etmir. Bəs görəsən, onda fabrik zərərçəkənin pulunu niyə vermir?
Görəsən, FHN-nin Əməliyyat-İstintaq İdarəsinin baş müstəntiqi, mayor İdrisov Cəmaləddin Yaqub oğlu vətəndaşı neçə aydır niyə get-gələ salıb ?
Zərərçəkən FHN rəhbərliyi ilə görüşmək istəyir, amma icazə vermirlər.
Bir sözlə suallar çoxdur. Araşdırmamız davam edir.
P.S Süründürməçilikdən bezən zərərçəkən bu yaxınlarda infarkt keçirib. Və səhhətinə dəyən zərərə görə də təzminat tələb edir.
 //gundelik-baku.com//

Həmçinin oxuyun

Sabah hava küləkli olacaq – Proqnoz

Sabah Bakıda və Abşeron yarımadasında dəyişkən buludlu olacağı, arabir tutulacağı, əsasən yağmursuz keçəcəyi gözlənilir.Milli Hidrometeorologiya …