Çərşənbə axşamı , Yanvar 26 2021
Ana səhifə / Sosial / Sağlamlıq imkanları məhdud şəxslərin təhsili ilə bağlı yenilik

Sağlamlıq imkanları məhdud şəxslərin təhsili ilə bağlı yenilik

Sağlamlıq imkanları məhdud olan şəxslərin sosial adaptasiyasını və ictimai həyata inteqrasiyasını nəzərdə tutan xüsusi təhsil proqramları (kurikulumlar) həyata keçiriləcək.

Bu barədə Milli Məclisin (MM) Elm və təhsil komitəsinin bu gün keçirilən iclasının gündəliyinə daxil edilən yeni “Ümumi təhsil haqqında” qanun layihəsinin 9-cu maddəsində (Ümumi təhsil proqramı (kurikulum) qeyd edilib.

Qanun layihəsinin 9.4-cü maddəsinə görə, ümumi təhsil müəssisələrində təhsilalanlara tədris edilən ümumi təhsil fənləri xüsusi dövlət təhsil proqramları əsasında keçirilir.

9.5-ci maddədə isə qeyd edilir ki, ümumi təhsil müəssisəsində əlavə təhsil almaq üçün müvafiq təhsil proqramları (kurikulumlar) tətbiq edilir.

9.6-ci maddəyə əsasən, sağlamlıq imkanları məhdud olan şəxslərin sosial adaptasiyasını və ictimai həyata inteqrasiyasını nəzərdə tutan xüsusi təhsil proqramları (kurikulumlar) həyata keçirilir.

Həmçinin, 9.7-ci maddəyə qeyd edilir ki, inkluziv ümumi təhsili həyata keçirən ümumi təhsil  müəssisələri müvafiq imtiyazlarla (əməkhaqqı və təqaüdlərin daha yüksək nəzərdə tutulması və s.) təmin edilir. (Oxu.az)

Həmçinin oxuyun

Xırdalanda dağıntılar altında daha bir uşağın qaldığı ehtimal olunur

Abşeron rayonu, Xırdalan şəhəri, 27-ci məhəllə adlanan ərazidə yerləşən və partlayış nəticəsində uçqun baş vermiş …