Sabiq icra başçısının oğlu yeni vəzifədə! – Həmzə Kərimov vitse-prezident oldu (FOTO)

Fevralın 20-də Rumıniya Olimpiya Komitəsində bu ölkənin Cüdo Federasiyasına seçkilər keçirilib. Seçkilərdə federasiyanın sədri və beş vitse-prezident seçilib, strukturu müəyyənləşdirilib.

Ölkə üzrə 143 cüdo klubunun təmsilçilərinin iştirak etdiyi tədbirdə Rumıniya Cüdo Federasiyasının sədri vəzifəsinə siyasi fəal Kozmin Quşa seçilib.

 SOCAR-ın Rumıniya törəmə şirkəti “Socar Petroleum SA”nın direktoru Həmzə Kərimov isə 143 mümkün səsdən 130-nu toplayaraq beş vitse-prezidentdən biri olub(azərtac).

Qeyd edək ki, Rumıniya Cüdo Federasiyası bir müddət öncə Həmzə Kərimovun vitse-prezidentlik vəzifəsinə namizədliyinin verilməsi təşəbbüsü ilə çıxış etmişdi. Təşəbbüs SOCAR-ın rəhbərliyi tərəfindən müsbət qarşılanıb.

Onu da qeyd edək ki, Həmzə Kərimov Salyanın sabiq icra başçısı Tahir Kərimovun oğludur.

Tahir Kərimov 2016-cı ilin mart ayında icra başçısı vəzifəsindən azad olunub. O, PA-nın şöbə müdiri Zeynal Nağdəliyev tərəfindən “Prezidentin etimadını doğrultmamaq”da ittiham edilib.