Çərşənbə , İyul 17 2019
Ana səhifə / Sosial / Referendumun yekun nəticələri nə vaxt açıqlanacaq? – MSK-da iclas

Referendumun yekun nəticələri nə vaxt açıqlanacaq? – MSK-da iclas

Bu gün Mərkəzi Seçki Komissiyasının (MSK) növbəti iclası keçirilib.

Mia.az xəbər verir ki, iclasda “Azərbaycan Respublikasının Konstitusiyasında dəyişikliklər edilməsi məqsədilə 2016-cı il sentyabrın 26-na təyin edilmiş ümumxalq səsverməsinin (referendumun) hazırlanıb keçirilməsi üzrə əsas hərəkət və tədbirlərin Təqvim Planı”nı təsdiq edilib.

MSK katibi Arifə Muxtarova  deyib ki, referendumla bağlı bildirişlərin çap olunması avqustun 17-də başa çatacaq. O qeyd edib ki, səsvermədə “exit-poll” keçirmək istəyən təşkilatlar sənədləri sentyabrın 6-na kimi təqdim edə bilərlər: “Səsvermə günü seçici fəallığı ilə bağlı gün ərzində 5 dəfə məlumat veriləcək. Referendumun yekun nəticələri oktyabrın 21-dək açıqlanacaq”.

Bundan başqa, iclasda referendumda vətəndaşların seçki hüququnu pozan hərəkətlərdən və qərarlardan şikayətlərin araşdırılması məqsədilə Mərkəzi Seçki Komissiyası nəzdində 9 nəfərdən ibarət ekspert qrupu və Ədliyyə, Daxili İşlər, Maliyyə nazirliklərinin ekspertlərindən ibarət işçi qrupu yaradılıb.

Həmçinin oxuyun

“Diqlas”ın əsas binasının söküntüsü yekunlaşır

İşlər artıq tikilinin birinci mərtəbəsində aparılır; ərazinin tam olaraq sentyabr ayına təmizlənəcəyi gözlənilir… Martın 26-da …

Bir cavab yazın