Moderator.az xəbər verir ki, REAL hərakatının üzvü olduğunu deyən Elvin Quliyev facebook profili vasitəsi ilə status paylaşaraq AXCP sədri Əli Kərimlini və Milli Şuranın lideri Cəmil Həsənlini təhqir edib. O, Milli Şuranın icazəli mitinq qərarına qarşı mövqe sərgiləyib.
Moderator.az REAL-ın idarə heyyətinin üzvü Azər Qasımlıdan məsələyə münasibət öyrənib.
Azər Qasımlı bildirib ki, o, belə bir şəxsi tanımır və əsil REAL üzvü heç vaxt belə mövqedən çıxış edə bilməz.
Məsələni araşdıran Moderator.az Elvin Quliyevin hazırda İsveçdə yaşadığını və İsveçdə saxta yolla siyasi mühacir statusu almağa çalışdığını öyrənib.