Azinforum.az İnformasiya Portalı Onlayn Xəbər Portalı
AXCP Etimad Qurultayının Təşkilat Komitəsinin sədri Razi Nurullayev informasiya portalı açacaq.
Bu barədə Hafta.az-a R.Nurullayevin özü məlumat verib. O bildirib ki, çox istərdik “Azadlıq” qəzeti müstəqil olub, hər kəsin fikrini işıqlandırsın:
“Ancaq əks təqdirdə biz nə edə bilərik? “Cümhuriyyət” qəzetini buraxacağıq. Ayrıca da cəbhə.info portalımız olacaq. Bunların ikisini də işlədəcəyik. AXCP-nin isə veb formatda yeni səhifəsini yaradacağıq. Bu məsələdə qərarlıyıq və sona qədər gedəcəyik”.
R.Nurullayev parlament seçkilərinə hazırlıqları barəsində də danışıb. O bildirib ki, təşkilatlanma mərhələsində olduqları üçün, seçkilərə hazırlaşma imkanları yoxdur:
“Anında qərar verəcəyik. Üzvlərimizdən kimlərsə seçkilərdə iştirak edə bilərlər. Lakin bloklar daxilində və ya hansısa konsepsiya şəklində qatılmaq imkanlarımız olmayıb. Qeyd etdiyim kimi, ayrı-ayrılıqda seçkilərə qatılmağı düşünürük”.
