Ana səhifə / Sosial / Ramil Usubov daha iki polis rəisi təyin etdi

Ramil Usubov daha iki polis rəisi təyin etdi

Daxili işlər orqanlarında yeni təyinatlar həyata keçirilib.

Bu barədə daxili işlər naziri, general-polkovnik Ramil Usubov əmr imzalayıb. Əmrə əsasən Bakı Şəhər Baş Polis İdarəsində çalışan Nizami Novruzov tutduğu vəzifədən azad edilərək Qaradağ Rayon Polis İdarəsi 10-cu polis bölməsinin rəisi vəzifəsinə təyin edilib.

Nazirin digər əmri ilə Yasamal Rayon Polis İdarəsi 28-ci polis bölməsinin rəis müavini Elşən Tağıyev vəzifəsindən azad edilərək Sabunçu Rayon Polis İdarəsi 12-ci polis bölməsinin rəisi vəzifəsinə təyin olunub.

Qeyd edək ki, Sabunçu Rayon Polis İdarəsi 12-ci polis bölməsinin rəisi, polis polkovnik-leytenantı Ülvi Məmmədov bir neçə gün əvvəl tutduğu vəzifədən azad edilərək sərəncama götürülüb.

Xatırladaq ki, son günlər Bakıda bir sıra polis bölmələrinin rəisləri dəyişdirilib (APA).

Həmçinin oxuyun

“Toy və yas mərasimlərinə uzun müddət icazə verilməyəcək“ – AÇIQLAMA

“Yay aylarında qrip infeksiyalarının intensivliyi həqiqətən də aşağı düşür. Amma bu, o demək deyil ki, …

Bir cavab yazın