Cümə axşamı , Yanvar 28 2021
Ana səhifə / Sosial / Rəsul Quliyev Milli Şuranı və Cəmil Həsənlini sərt tənqid etdi

Rəsul Quliyev Milli Şuranı və Cəmil Həsənlini sərt tənqid etdi

Hazırda ABŞ-da mühacirətdə olan eks-spiker Rəsul Quliyev Azərbaycan müxalifətini, Milli Şuranı sərt tənqid edib. O, Facebook səhifəsində paylaşdığı videosunda Azərbaycanda müxalifətin olmadığını bildirib.

R.Quliyev Milli Şuranın keçirdiyi mitinqləri, Cəmil Həsənlinin guya prezident seçkilərində qalib gəlməsi ilə bağlı səsləndirdiyi fikirləri ələ salıb:
“Keçmiş Ziyalılar Fondunun bir qrup şəxsi özlərini Milli Şura adlandırır. Onlar özlərini Ziyalılar Fondu da adlandıra bilməzlər. Çünki o fondun iştirakçılarının 40%-i belə deyillər. Milli Şuranı yaradan siyasi partiyaların heç biri hazırda orada təmsil olunmurlar.

Yalnız AXCP-dən başqa. Bu qurum 2013-cü ilin prezident seçkilərindən sonra süqut edib. AXCP-dən ibarət olan Milli Şura Azərbaycanda müxalifətin olmadığını icazəli mitinqlərə çıxartdıqları insanlarla sübut etdilər. Metronun yaxınlığındakı stadionda iki minlik mitinqlə başladılar və 300 iştirakçı ilə aksiyaları başa vurdular. Mitinqləri yarım saat gec başlayır və yarım saat da tez başa vururdular. Çünki insanlar sona qədər qalmırdılar.
Milli Şura adlanan, əslində isə, Milli Şura olmayan AXCP-dən ibarət bu qurum 2013-2014-cü illərdə Azərbaycanda müxalifətin olmamasını sadəcə həyata keçirdilər. Bu gün onların hansısa gücə malik olmasını söyləmək çətindir. Real gücü mən görmürəm. 2013-cü ilin prezident seçkilərindən sonra Cəmil Həsənlinin özünün 65%-lə qələbə çalmasını deməsi xarici aləmdə ikraha səbəb oldu. Hansı 65%-dən söhbət gedir? Deyirsiniz ki, seçkilər saxtalaşdırılıb, düzgün saymağa imkan olmayıb, o zaman hansı 65%-dən söhbət gedir?”.

Həmçinin oxuyun

“Safari N MTK” dövlətə necə kələk gəlib? – İTTİHAM

Mənzilə görə ilkin ödəniş olaraq 50 min manat ödədim, yerdə qalan məbləği kredit şəklində 2 …

Bir cavab yazın