Ana səhifə / Sosial / Qarabağ qazisi, yoxsa dilənçi? – Bu foto hamını kövrəltdi…

Qarabağ qazisi, yoxsa dilənçi? – Bu foto hamını kövrəltdi…

Dünən “20 Yanvar” metro stansiyasının yaxınlığında çəkilmiş, protezlərini çıxarıb kənara qoymuş bir şəxsin təsvir olunduğu foto sosial şəbəkələrdə geniş müzakirələrə səbəb olub.

“Qafqazinfo” xəbər verir ki, qəzet köşkünün arxasında çəkilmiş şəklin qısa müddətdə sürətlə yayılmasına səbəb isə həmin şəxsin Qarabağ qazisi olma iddialarıdır. Eyni zamanda fotonu paylaşıb, ona şərh bildirənlər arasında bu şəxsin qazi yox, dilənçi olduğunu deyənlər də az deyil.

Fotonun müəllifi jurnalist Əziz Əlibəyli qeyd edib ki, ona bu barədə məlumatı ətrafdakı vətəndaşlar verib. Bildiriblər ki, metroda xidmət edən polis əməkdaşı onu gün ərzində üç – dörd dəfə dikəltsə də, o, yenə yerə yıxılır.

“Qafqazinfo” bu gün həmin şəxsi tapmaq üçün fotonun çəkildiyi ərazidə olub. Qazi olduğu deyilən şəxs orada olmasa da, ətrafdakılar onu tanıdıqlarını, dünən halı pisləşdiyi üçün təcili yardım maşını ilə xəstəxanaya aparıldığını söyləyiblər. Həmçinin ətrafdakı işçilər fotoda təsvir olunan vətəndaşın dilənçi olduğunu təsdiq etməyiblər:

“Həmin şəxsi həmişə burada görmürük. Son 3-4 gündə gəlir, protezlərini çıxarıb otururdu. Nə dilənirdi, nə bir şey. Dünən günorta yolda yıxıldı, təcili yardım çağırdıq, apardılar”.

Əməkdaşımız məsələ ilə bağlı Səhiyyə Nazirliyi ilə də əlaqə saxlayıb. Nazirlikdən hazırda məsələ ilə bağlı araşdırma aparıldığını və qısa müddətə həmin şəxsin kimliyi ilə bağlı məlumat veriləcəyini bildiriblər.

Günel Hacı

Həmçinin oxuyun

Başı yarılan uşağa yardım etməyən həkimlərlə bağlı qərar verildi

Jurnalist Məhərrəm Əliyev bir neçə gün öncə qardaşı oğlunun başından xəsarət aldığını, lakin xəstəxanaların heç …