Çərşənbə axşamı , İyun 25 2019
Ana səhifə / Sosial / “Qarabağ münaqişəsi tez bir zamanda həll olunmalıdır” – Avropa İttifaqı

“Qarabağ münaqişəsi tez bir zamanda həll olunmalıdır” – Avropa İttifaqı

Avropa İttifaqı (Aİ) status-kvonun davamlı olmadığı Dağlıq Qarabağ münaqişəsinin sülh yolu ilə həllinin tərəfdarıdır. Bu barədə Avropa Komissiyası tərəfindən Avropa Qonşuluq Siyasətinin reallaşdırılmasına dair hesabatında bildirilib.

“Münaqişənin hərbi yolla həlli yoxdur, beynəlxalq hüquq normalarına uyğun olaraq tez bir zamanda siyasi yolla həll olunmalıdır. Avropa İttifaqı ATƏT-in Minsk qrupunun vasitəçilik səylərini və təkliflərini tam olaraq dəstəkləyir”, – deyə hesabatda vurğulanıb.

Sənəddə, həmçinin qeyd olunub ki, 2016-cı ildə Aİ sülh və davamlı yolun əldə olunması məqsədilə Ukrayna, Gürcüstan, Moldova, Ermənistan və Azərbaycana təsir edən münaqişələr üzrə dialoqu davam etdirib.

Hesabatda bildirilib ki, 2016-cı ildə Qarabağ münaqişəsi bölgəsində ciddi gərginlik yaşanıb: “Avropa İttifaqı hər iki tərəfi atəşkəs rejiminə hörmət etməyə, ritorikanı yumşaltmağa və ATƏT-in Minsk qrupunun himayəsi altında predmet sülh danışıqlarında iştirak etməyə çağırmağa davam edir. Avropa İttifaqının xüsusi nümayəndəsinin regiona tez-tez baş tutan səfərləri Minsk qrupunun həmsədrlərini dəstəkləyir və münaqişənin dinc yolla həllində maraqlı olduğunu göstərir. (AzVision.az)

Həmçinin oxuyun

Azərbaycanda qara pomidor yetişdirilir – Fotolar + Video

Karvan L Eko MMC- nin Ağstafa rayonunda yerləşən istixanasında becərilən məhsullar orqanik şəraitdə və bu …

Bir cavab yazın