Çərşənbə , Sentyabr 22 2021
Ana səhifə / Sosial / Qəsəbə sakinləri susuz qalıb – “Azərsu” problemi həll etmir – FOTO

Qəsəbə sakinləri susuz qalıb – “Azərsu” problemi həll etmir – FOTO

Xəzər rayonu Şağan qəsəbəsinin Yeni sahə adlanan küçəsində ciddi su problemi yaranıb.
Belə ki, sakinlər illərdir, su təminatını su maşınları hesabına təmin edir.
Bu barədə sosial şəbəkədə şikayətlər paylaşan sakinlər bildirirlər ki, bununla bağlı dəfələrlə “Azərsu” ASC-yə müraciət etsələr də, problem həllini tapmır:
“Deyirlər ki, ana su xəttindən 50-70 metr məsafədə yerləşən evlərə su xətlərinin çəkilməsi ilə bağlı layihə yoxdur, layihə nə vaxt olacaqsa, onda da çəkiləcək. Halbuki, həmin ərazidən 90-100 metr məsafədə olan evlərə su xətləri çəkilib, bir neçə vəzifəli şəxsin evləri orada olduğu üçün bu təmin edilib. Bizə isə bildirilir ki, yalnız 30 metrə qədər su xətti çəkilə bilər, digər məsafəni özünüz çəkməlisiniz, lakin bunun üçün də gərək layihə təsdiqlənsin”.
Məsələ ilə bağlı “Azərsu” ilə əlaqə saxladıq. Qurumun mətbuat katibi Anar Cəbrayıllı bildirib ki, həmin ərazidə infrastruktur yoxdur:

“Şağan qəsəbəsi yeni inkişaf ərazisidir. Baş planda infrastrukturun yaradılması nəzərdə tutulur”.
Qeyd: Həmin ərazinin su xətləri sxemini əks etdirən fotonu təqdim edirik. Məlumata görə, ana xətdən 50-70 metr məsafədəki evlərə su xətləri çəkilmədiyi halda, 90-100 metr və daha uzaq olan ərazilərə su xətləri çəkilib. Fotoda qırıq-qırıq xətlə göstərilən ərazi su xətlərinin çəkilmədiyi ərazidir. BakuPost

Həmçinin oxuyun

Fərhad Əliyev Qarabağ döyüşçüsünü işdən qovdurub

Qarabağda erməninin nəfəsini kəsənlərin, demə, Sumqayıtda nəfəslərini kəsənlər varmış. Darıxmayın, indi biləcəksiz, söhbət kimdən, nədən …