“Prezidentlərin görüşü hələlik dəqiqləşməyib” – Nalbandyan

“Ermənistan və Azərbaycan prezidentlərinin görüşü barədə hələlik konkret məlumat yoxdur”.

APA-nın “Panorama.am” saytına istinadən verdiyi məlumata görə, bunu Ermənistanın xarici işlər naziri Edvard Nalbandyan jurnalistlərə açıqlamasında deyib. O bildirib ki, xarici işlər nazirlərinin görüşü sentyabrın ikinci yarısında Nyu-Yorkda keçiriləcək. O əlavə edib ki, görüşün gündəliyində duran əsas məsələ Dağlıq Qarabağ münaqişəsinin həlli istiqamətində aparılan danışıqlar prosesinin irəli aparılması üçün şəraitin yaradılmasıdır.