Bazar ertəsi , Oktyabr 26 2020
Ana səhifə / Sosial / Pirşağı gölündə balıqlar zəhərlənərək öldürülüb (VİDEO)

Pirşağı gölündə balıqlar zəhərlənərək öldürülüb (VİDEO)

Sabunçu rayonu Pirşağı kəndində yerləşən göldə balıqlar kütləvi şəkildə tələf olub. 
“Xəzər Xəbər”ə göndərilən videodan görünür ki, yüzlərlə balıq məhv olub. Videonu göndərən şəxs iddia edir ki, Ekologiya və Təbii Sərvətlər Nazirliyi göldə tor səpərək balıq tutmağı qadağan etdiyindən balıqçılar acığa belə addım atıblar. Nazirlikdən bildirilib ki, məsələ ilə araşdırmalara başlanılıb
Məsələ ilə bağlı Ekologiya və Təbii Sərvətlər Nazirliyindən bildirilib ki, Pirşağı gölündə həvəskar şəkildə tilovla balıq tutmağa qadağa yoxdur. Yalnız tor səpməyə icazə verilmir. ”Əməkdaşlarımız ərazidə yoxlamalar aparacaq, gölün suyundan aanalizlər götürüləcək. Bundan sonra balıqların hansı səbəbdən tələf olmaları dəqiq məlum olacaq”-deyə əlavə edilib.

Həmçinin oxuyun

Azərbaycanda rekord sayda koronavirusa yoluxma

Azərbaycanda koronavirusa (COVID-19) 946 yeni yoluxma faktı qeydə alınıb, 228 nəfər müalicə olunaraq sağalıb və evə …