Çərşənbə axşamı , Sentyabr 22 2020
Ana səhifə / Sosial / “Payız və qış mövsümündə koronavirus yenidən alovlana bilər”

“Payız və qış mövsümündə koronavirus yenidən alovlana bilər”

Ölkədə tətbiq olunan qaydalar, karantin rejiminin mərhələli şəkildə yumşaldılması  öz effektiv nəticələrini göstərir. Görülən əks-epidemik tədbirlərin səmərəliliyi nəticəsində pandemiya xəstəxanalarında olan xəstələrin sayı kifayət qədər azalıb. Hətta artıq bəzi pandemiya xəstəxanalarının yenidən əvvəlki qaydada fəaliyyət göstərməsi ilə bağlı qərar verilib. Hazırda əsas məsələ əldə olunan bu müsbət dinamikanı qoruyub saxlamaqdır. Vətəndaşlardan tələb olunan isə yalnız məsuliyyətli olmaq, karantin qaydalarına riayət etməkdir.

İnfeksionist Süleyman Kamilovun fikrincə yumşalmalara gedilməsi pandemiyanın başa çatması anlamına gəlməməli və insanlarda arxayınlıq yaratmamalıdır. O, Sherg.az-a verdiyi açıqlamada qeyd edib ki,  yumşalmalardan sonra bəzi ölkələrdə xəstələrin sayında artım müşahidə olunur ki, bu, hər birimizi daha məsuliyyətli olmağa sövq etməlidir: “Xüsusilə də payız-qış mövsümündə xəstəliklərin baş qaldırması koronavirusun yenidən alovlanmasına səbəb ola bilər. Ölkəmizdə yumşalma addımları da elə atılır ki, xəstələrin sayı kəskin artmasın. Dövlət tərəfindən qəbul edilən bütün qərarların arxasında məhz əhalinin sağlamlığı, rifahı, təhlükəsizliyinin təmini dayanır. Son günlər yoluxmada zəifləyən dinamika nəzərə alınaraq bəzi qadağalar ləğv edilib. Xüsusən bu mərhələdə insanlarımız  diqqətli olmalı və qorunma tədbirlərinə ciddi əməl etməlidir. Çünki bəzi ölkələrdə hələ də pandemiya ilə bağlı artımlar mövcuddur. Artıq bir sıra Avropa ölkələrində ikinci dalğa ilə bağlı fikirlər var. Ona görə də, virusun yox olduğı qənaəti ilə özümüzə və ətrafımıza zərər verə bilərik. Ani sərbəstlik və qaydalara əməl olunmaması, kütləvi toplaşma zamanı sosial məsafənin gözlənilməməsi yenidən yoluxma artımına səbəb olar”.

Həmçinin oxuyun

Təhsil Nazirliyi sosial şəbəkələrdəki iddialara aydınlıq gətirdi

Təhsil Nazirliyi ötən günlər ərzində sosial şəbəkələrdə 7-ci sinif “Azərbaycan tarixi” dərsliyində “Arsak” toponiminin yer …