Şənbə , Oktyabr 16 2021
Ana səhifə / Sosial / Nazirlər Kabinetinin qərarını heçə sayan toy təşkilatçısı 4 min manat cərimələndi

Nazirlər Kabinetinin qərarını heçə sayan toy təşkilatçısı 4 min manat cərimələndi

Hacıqabul Rayon Polis Şöbəsinin əməkdaşlarının keçirdiyi müvafiq tədbirlərlə rayonun Pirsaat ərazisində yerləşən “Baxçalı” şadlıq sarayında təşkil olunan toy məclisində karantin rejimindən irəli gələn qayda və tələblərin pozulması halları müəyyən edilib.

Daxili İşlər Nazirliyinin mətbuat xidmətinin Şirvan regional qrupundan verilən məlumata görə, adıçəkilən şadlıq sarayının icarədarı İ.Huseynov təşkil edilən toy mərasimi ilə bağlı məlumatları “icaze.e-gov.az” portalında qeydiyyatdan keçirməyərək, məclisdə 120 nəfər qonağın iştirak etməsini təşkil edib.

Yol verilən qayda pozuntusu ilə bağlı obyektin icarədarı 4 000 manat məbləğində cərimə olunub.

Şöbə əməkdaşları tərəfindən keçirilən tədbirlərlə rayonun Padar qəsəbəsində, Kolanı və Talış kəndlərində yerləşən dörd  fərdi yaşayış evinin həyətində keçirilən toy məclislərində də pandemiya qaydalarının pozulduğu və müəyyən edilmiş saydan artıq qonaqların iştirak etdiyi müəyyən edilib.

Həmin toy məclislərinin sahibləri ilə izahedici söhbətlər aparılıb və onlar inzibati qaydada məsuliyyətə cəlb olunublar.

Həmçinin oxuyun

Bakıda güclü yanğın başladı: Alov ticarət mərkəzinə keçmək üzrədir (FOTO)

Nərimanov rayonu ərazisində güclü yanğın başlayıb. Qaynarinfo xəbər verir ki, hadisə metronun yaxınlığında baş verib. …