Yeni Azərbaycan Partiyasının (YAP) çoxdan gözlənilən deputatlığa namizədlərinin siyahısı açıqlandı. Bir çoxları deputatlığa namizəd olub-olmayacaqlarını YAP-ın siyahısı açıqlanmadığından dəqiqləşdirə bilmirdilər. Artıq YAP-ın siyahısı məlumdur, kimlərin deputatlığa namizəd olacaqları isə yavaş-yavaş açıqlanır.
Sabiq deputat Nazim Məmmədov bildirib ki, seçkilər elan olunduqdan sonra həm Gədəbəydə, həm də Tovuzda təşəbbüs qrupları yaradılaraq namizədliyinin irəli sürülməsinə razılıq verməyilə bağlı müraciət ediblər:
“Mən də razılıq vermişəm, dünən “Tovuz” təşəbbüs qrupu Dairə Seçki Komissiyasına namizədliyimin irəli sürülməsi haqqında bildirişi təqdim edib. “Şınıx” təşəbbüs qrupunun sənədlərinə qeyri-qanuni tələb irəli sürülüb, bununla razılaşmayan təşəbbüs qrupu Mərkəzi Seçki Komissiyasına şikayətlə müraciət edib”.
Hüquqşunas Əliməmməd Nuriyev isə bununla bağlı hələ tam qərara gəlməyib. “Bir-iki günə qərarımı qətiləşdirib məlumat verəcəyəm”.