“Narkotik istifadəçilərinin sağalması 3-4 % təşkil edir” – Baş direktor

“Son zamanlar ölkədə baş verən cinayətlərin sayının artmasında səbəb olan narkotik növlərindən başlıcası “patı”dır. Çünki bu növün istifadəsində insanların psixologiyası ciddi şəkildə pozulmuş olur”.

“Report” xəbər verir ki, bu fikirləri Respublika Narkoloji Mərkəzin baş direktoru Orxan Cəfərov deyib.

Onun sözlərinə görə, Ümumdünya Səhiyyə Təşkilatının statistikasına əsasən, narkotik vasitələrdən istifadə edənlərin sağalması 3-4 %-dir: “Onlarda daha çox dayanma, yaxud remissiya dövrüdür. Təəssüf ki, dəfələrlə müalicə alan eyni pasiyentlər olur. İlkin müddətdə alınan həzz hissinə görə istifadəçilər yenidən həmin mərhələyə qayıtmaq istəyirlər. Xəstə mütləq şəkildə müalicə olunduqdan sonra reabilitasiya dövründən keçməlidirlər”.