Bazar ertəsi , Noyabr 28 2022
Ana səhifə / Sosial / Narkomaniya yuvasına çevrilən tələbə yataqxanası – VİDEO

Narkomaniya yuvasına çevrilən tələbə yataqxanası – VİDEO

“Dostluq” kino teatrının yaxınlığında yerləşən və dağılmaq üzrə olan tikili narkomanlar üçün əsl tiryəkxanaya çevrilib.

Nəsimi rayonunda uzun illər tələbə yataqxanası olan binada keçmiş məcburi köçkünlər məskunlaşmışdı.

Bir müddət öncə onlar bu ərazidən köçürüldükdən sonra narkotik aludəçiləri binadan tiryəkxana kimi istifadə edirlər. 

Bir vaxtlar tələbələrin qaldığı məkanda, günün hər saatında narkomanlara rast gəlmək mümkündür.  

Bura yığılan narkomanlar köhnə yataqxana binasının hər küncündə yaşamaq üçün özlərinə şərait qurublar. 

Daxili İşlər Nazirliyinin Mətbuat Xidmətinin əməkdaşı Nurlan Əliyev ATV-yə bildirib ki, həmin əraziyə əlavə naryad qrupları təhkim olunub. Neqativ hallar tam aradan qaldırılana qədər gücləndirilmiş şəkildə nəzarət tədbirləri davam etdiriləcək.

Onu da qeyd edək ki, köhnə yataqxana binası Azərbaycan Dövlət Neft və Sənaye Universitetinin (ADNSU) balansındadır. Burada 2014-cü ildə söküntü işləri başlayıb və sonradan işlər yarımçıq dayandırılıb. 

Ətraflı süjetdə: 

https://www.youtube.com/watch?v=AfUpVjRwGwE

Həmçinin oxuyun

Xətaidə yolun ortasında obyekt tikilir, İcra Hakimiyyəti göz yumur? – FOTO

Xətai rayonu Sarayevo küçəsində yolun ortasında ağaclar kəsilərək yerində obyekt tikilir.Azinforum.az bildirir ki, bu barədə …